बैतडी : दशरथचन्द राजमार्ग अन्र्तगत बैतडीको पाटन नगरपालिका ८ खोड्पेमा गएराति दुर्घटनामा परि मृत्यु भएका ९ मध्ये चा जनाको सनाखत भएको छ।
बैतडीको दोगडाकेदार ६ सित्तडका २५ वर्षीय प्रहरी जवान रणबहादुर चन्द, दोगडाकेदार ६ सित्तडकै २७ बर्षीय करनसिंह ऐर, दोगडाकेदार गाउँपालिकामा कार्यरत कर्मचारी कविन्द्र जोशी र कञ्चनपुरको भिमदत्त नगरपालिका ८ तिलाचौरका १५ वर्षीया किर्तिका कार्कीको सनाखत भएको बैतडीका प्रहरी प्रमुख प्रहरी नायव उपरीक्षक नारायणप्रसाद अधिकारीले जानकारी दिए।
मृतक चन्द र ऐरको घटनास्थलमै मृत्यु भएको हो भने कार्कीको डडेल्धुरा अस्पतालमा उपचारका क्रममा मृत्यु भएको हो। ऐरको शब बसले च्यापिएकोले निकाल्ने काम भइरहेको प्रहरीले जनाएको छ। अन्य ६ जना मृतकको पहिचान हुन सकेको छैन। उनीहरुको शव परीक्षणका लागि जिल्ला अस्पतालमा राखिएको छ।
सो दुर्घटनामा परी घाइते भएका ३४ जना मध्ये गम्भीर घाइते ८ जनालाई धनगढी रेफर गरिएको छ भने बाँकी २६ जनाको डडेल्धुरा अस्पतालमा उपचार भइरहेको छ।
बैतडीको गन्नाबाट महेन्द्रनगरका लागि छुटेको पवनदुत यातायातको ना ५ ख ५१४१ नम्बरको बस बिहीबार राती साढे १० बजेतिर दुर्घटनामा परेको हो।
सानो घुम्तीबाट बस ६ सयमिटर जति तल खसको छ। दुर्घटनाको कारण खुल्न सकेको छैन्।
तपाईंको ईमेल गोप्य राखिनेछ ।