|

बारा : बाराको जीतपुरसिमरा उपमहानगरपालिकाको जीतपुर–ईनर्वासिरा सडक दुधौरा नदीमा आइतबार पुल शिलान्यास गरिएको छ।

जीतपुरसिमरा–८ रमौली लोसन्डा र वडा नम्बर २० बसडील्वा जोड्ने रमौलीघाटस्थित नदीमा प्रदेश सरकारले पुल निर्माण गर्न लागेको छ। पुलको प्रदेश नम्बर २ को भौतिक पूर्वाधार विकास मन्त्री जितेन्द्र सोनलले शिलान्यास गरेका हुन्।

भ्याटसहित १२ करोड ७० लाख ७२ हजार ८ सय ५७ रुपैयाँ १४ पैसा लागतमा १ सय मिटर लामो पुल बनाउनका लागि ठेक्का सम्झौता भएको छ। हेटौँडाको सपना मेरिना जेभी कन्स्ट्रक्सनले निर्माणको जिम्मा पाएको छ। आगामी २०७६ असोज २८ गते सम्झौता भएको पुलको काम २०७९ बैशाख २ गतेभित्र सक्नुपर्ने सम्झौतामा उल्लेख छ।

पुल नहुँदा वर्षायाममा जीतपुरसिमराका स्थानीय २५ किलोमिटर लामो वैकल्पिक बाटो प्रयोग गरेर सदरमुकाम कलैया आउ–जाउ गर्दै आएका छन्।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.