अमेरिकाको टेक्सासमा रहेको मायाज देसी बुटिकले हेम सरिता पाठक फाउण्डेशनसँगको सहकार्यमा १० हजार अमेरिकी डलरको छात्रवृतिको घोषणा गरेको छ।
कम आम्दानी भएका विद्यार्थीहरुलाई सहयोगका लागि स्कलरसिपको घोषणा गरिएको हो। सकारात्मक सामाजिक परिवर्तनका लागि समुदायमा सकृय रहेकाहरुलाई प्राथमिकता दिइने र उक्त छात्रबृत्तिका लागि नेपालीलगायत, भारत, बंगालादेश, भुटान, श्रीलंका र पाकिस्तानका अमेरिकामा अध्ययनरत विद्यार्थीहरु पनि योग्य हुने जनाइएको छ।
छात्रबृत्तिको अभावका कारण अमेरिकामा डिग्री हासिल गर्नमा समस्या भोगिरहेका विद्यार्थीहरुलाई सहयोग गर्न यो कार्यक्रम ल्याइएको जनाइएको छ। अमेरिकामा अन्तर्राष्ट्रिय विद्यार्थीका रुपमा भर्ना भएको, कम्तीमा ३ दशमलव ५ जीपीए भएको, आर्थिक सहयता आवश्यकता भएको देखाउसक्ने, सामाजिक विषयहरुप्रति लक्ष्यित संस्थामा सकृय रहेको, नेपाली लगायत, भारत, बंगालादेश, भुटान, श्रीलंका र पाकिस्तानका विद्यार्थीले आवेदन दिनसक्नेछन्। आवेदन गत फेब्रुअरी १ मा खुल्ला गरिने र अप्रिल १५ सम्म आवेदन दिन सकिने जनाइएको छ।
त्यसपछि मे १५ मा टप ५ आवेदनहरु छनोट गरिने र युनिभर्सिटीको ट्रान्सक्रिप्टका साथमा दुईवटा सिफारिसपत्र समेत पेश गर्नुपर्ने छ।
तपाईंको ईमेल गोप्य राखिनेछ ।