काठमाडौं : पूर्वप्रधानमन्त्री एवं नेपाल कम्युनिष्ट पार्टी (नेकपा) प्रचण्ड–माधव समूहका वरिष्ठ नेता झलनाथ खनालले प्रधानमन्त्री केपी शर्मा ओलीले देशभर पञ्चभेला गर्दै हिँडेको टिप्पणी गरेका छन्।
प्रधानमन्त्री ओली नेतृत्वको नेकपाले शनिबार विराटनगरमा गरेको प्रदर्शनलाई संकेतगर्दै खनालले देशभर पञ्चभेला गर्दै हिँडेको टिप्पणी गरे। भारतमा उपचार गराएर शनिबार स्वदेश फर्किएका खनालले पत्रकारहरुसँग विमानस्थलमा कुराकानी गर्दै प्रधानमन्त्री ओलीले पुस ५ गते संसद विघटन गरेर मुलुकमा प्रतिक्रान्तिको थालनि गरेको बताए।
उनले भारतमा रहदा कुनैपनि राजनीतिक भेटघाट नगरेको स्पष्ट पारे। आफ्नो देशको समस्या आफै हल गर्नुपर्छ भन्ने मान्यतामा आफू रहेको भन्दै खनालले अन्य देशका नेताहरुसँग भेटघाट गर्नुपर्ने कुनै जरुरी नरहेको बताए। नेपाली जनता लोकतन्त्र र संविधानको रक्षाका लागि उठिसकेको बताउँदै उनले आफूहरुको आन्दोलन सफलतामा नपुगि विश्राम नहुने बताए।
तपाईंको ईमेल गोप्य राखिनेछ ।