भन्छिन्: मेरो धडकनभित्र अर्को जीवनको आभास भइरहेको छ
भन्छिन्: मेरो धडकनभित्र अर्को जीवनको आभास भइरहेको छ
काठमाडौं : अभिनेत्री ऋचा शर्माले आफू आमा बन्न लागेको बताएकी छन्। उनले सामाजिक सञ्जालमार्फत नयाँ वर्षको दिनमा आफ्ना फ्यानहरुको आशीर्वादको अपेक्षासहित उक्त कुराको जानकारी दिएकी हुन्।
शर्मा र दिपेक्ष विक्रम राणाले २०७६ मंसिर महिनामा बिहे गरेका थिए। पेटमा बच्चा भएको जानकारी दिँदै ऋचाले दिवंगत आमालाई सम्झिएकी छन्।
'आमाले भन्नु हुन्थ्यो आफ्नो सन्तान भएपछि थाहा पाउँछस्। आज त्यही कुरा स्मरणमा आइरहेको छ। एउटा जीवनलाई आफ्नो गर्भमा हुर्काउने सौभाग्य पाउँदा, आज शब्दमा आफ्नो भावनाहरु पोख्न सकिरहेको छैन', उनले लेखेकी छिन्, 'आज आफ्नो धड्कनभन्दा कोही अरुको धड्कन मभित्र प्यारो आभास भइरहेको छ। आज तपाईंहरु माँझ यो खुशी बाँड्न पाउदा सम्पूर्ण महसुस भइरहेको छ।'
एउटा जीवनलाई स्वरुप दिएर जीवन्त बनाउन पाउनु नै सौभाग्यको कुरा रहेको उनले उल्लेख गरेकी छन्। प्यारो जीवनको स्वागत गर्दै घरको दैलोमा उनले र उनको श्रीमानले यो सजीवनको रुख रोपेको उनले बताइन्। 'यो नयाँ जीवनको आगमन र यो रुखको अटुट साथ सधै बनिरहोस् भन्ने तपाईंहरू सम्पूर्णको आशीर्वादको अपेक्षा गर्दछु', ऋचाले लेखेकी छिन्, 'मेरी आमा पनि पर क्षितिजबाट भन्दै हुनुहुन्छ होला,छोरी आज ठूली भई।'
तपाईंको ईमेल गोप्य राखिनेछ ।