उनले मेरो नागरिकता मागिन्।
‘उमेर थाहा हुन्छ, अहँ दिन्नँ!’
‘केटा मान्छेको उमेर थाहा भएर के हुन्छ त? तलब पो थाहा दिन नहुने होला!’
‘अहिलेको जमानामा पनि केटा र केटीबीच विभेद! दुवैले एक अर्काको दुवै कुरा थाहा पाउनु हुँदैन।’
अफिसको प्रशासनमा पुगेर उनले नागरिकता फेला पारिछन्।
उमेर पत्ता लागिहाल्यो।
सोचेँ - जन्मदिनमा ‘सरप्राइज’ दिन होला।
जन्मदिन गयो, तर उपहार आएन।
बरू, त्यो दिनदेखि उनी परऽऽ परऽऽऽ भइरहेकी छिन्।
तपाईंको ईमेल गोप्य राखिनेछ ।