काठमाडौं : निषेधाज्ञाका बेला सरकारले जनस्वास्थ्यमा पर्ने दीर्घकालीन असरलाई बेवास्ता गर्छ भने नागरिक सडकमा आउने नेपाली कांग्रेसका नेता गगन थापाले बताएका छन्।
शुक्रबार बालुवाटारअघि विरोध प्रदर्शन गर्न पुगेका बृहत् नागरिक आन्दोलनका अगुवालाई प्रहरीले भाटभटेनीबाटै नियन्त्रणमा लिएपछि थापाले यस्तो बताएका हुन्।
थापाले ट्विट गर्दै निषेधाज्ञा उल्लंघन गरेर सडकमा आउनु गलत रहे पनि जब सरकारले नै आफ्नो क्षुद्र स्वार्थका लागि, जनस्वास्थ्यमा पर्ने दीर्घकालीन असरलाई पूर्ण बेवास्ता गर्छ भने सचेत नागरिक सडकमा आउनुको विकल्प नरहेको बताए।
प्रहरीले नारायण वाग्ले, खगेन्द्र सिटौला, युग पाठक, घिमिरे युवराजलगायत १७ जनालाई आज पक्राउ गरेको थियो।
निषेधाज्ञा उल्लङ्घन गरेर सडकमा आउनु गलत हो।तर जब सरकारले नै आफ्नो क्षुद्र स्वार्थको लागि,जनस्वास्थ्यमा पर्ने दीर्घकालीन असरलाई पूर्ण वेवास्ता गर्दै ,काेराेनाले निम्त्याएको परिस्थिति र निषेधाज्ञा बाट फाइदा उठाउने प्रपन्च गर्छ,देशको सचेत नागरिक सडकमा आउनुको विकल्प हुँदैन।
— Gagan Thapa (@thapagk) June 11, 2021
तपाईंको ईमेल गोप्य राखिनेछ ।