काठमाडौं : बायर्न म्युनिखका फरवार्ड रोबर्ट लेवान्डोस्कीले युरोपियन गोल्डेन शुको अवार्ड जितेका छन्।
सन् २०२०/२१ को सिजन युरोपियन फुटबलमा सर्वाधिक गोलकर्ता बन्दै लेवान्डोस्कीले गोल्डेन शु अवार्ड जितेका हुन्। लेवान्डोस्कीले गत सिजन बुन्डेसलिगामा २९ खेलमा ४१ गोल गरेका थिए। ३३ वर्षीय लेवान्डोस्कीको उत्कृष्ट प्रदर्शनले बायर्न बुन्डेसलिगा च्याम्पियन बनेको थियो।
पोल्याण्डका लेवान्डोस्कीले लियोनल मेस्सी र क्रिस्टियानो रोनाल्डोलाई पछि पार्दै गोल्डेन शु जितेका हुन्। लेवान्डोस्की बुन्डेसलिगा फुटबलमा सर्वाधिक गोलकर्ता समेत बनेका थिए।
एकै सिजन बुन्डेसलिगामा सर्वाधिक गोल गर्ने खेलाडीको कीर्तिमान समेत उनको नाममा रह्यो। उनले गर्ड मुलरको कीर्तिमान भङ्ग गरेका छन्। मुलरले सन् १९७/र७२ को सिजन ४० गोल गर्दै कीर्तिमान बनाएका थिए।
तपाईंको ईमेल गोप्य राखिनेछ ।