काठमाडौं : पूर्वप्रधानन्यायाधीश गोपालप्रसाद पराजुलीले न्याय र न्यायालयको सम्बन्ध अटुट बनाउन प्रधानन्यायाधीशले चोलेन्द्र शमशेर राणाले निकास दिन जरुरी रहेको बताएका छन्।
उनले न्यायालय, पद्धति र अदालतको सेवा सु–सञ्चालन गर्नका लागि प्रधानन्यायाधीशले आफूमाथि लागेका आरोप चिरफार नहुँदासम्म इजलासमा बस्न नहुने बताए।
पराजुलीले प्रधानन्यायाधीशको कुरा निष्पक्ष छ/छैन भन्ने राजनीतिक दलले बुझ्नुपर्ने र जाँच गरेर हेर्नुपर्ने माग गरे।
अख्तियार दुरुपयोग अनुसन्धान आयोगका पूर्वप्रमुख आयुक्त लोकमानसिंह कार्कीलाई हटाएका कुरा कानुनसम्मत नभएको र ती न्यायाधीशले कानुनसम्मत काम नगरेको बताउँदै उनले प्रधानन्यायाधीशले संविधान र कानुनमाथि ज्यादती गर्न नपाइने बताए।
प्रधानन्यायाधीश पनि आफ्नो आचारसंहिताभित्र बस्नुपर्ने बताउँदै पराजुलीले भने, ‘हुल र गुटले हुँदैन, विधिसम्मत र न्यायसम्मत रूपले चल्नुपर्छ।’
उनले राजनीतिक दलले कसैले म पीडित हुन्छु भनेर केपी अथवा गठबन्धन सरकारले भन्ने कुरा हो भन्दै प्रश्न गरे। उनले प्रश्न गरे‚ ‘जबरजस्ती कसैले पनि हटाएर प्रधानन्यायाधीश हट्न सक्दैन र प्रधानन्यायाधीश आफ्नो आचारसंहिताभित्र बस्नुपर्छ ।’
पराजुलीले प्रधानन्यायाधीशले स्वतन्त्र न्यायालयका मूल्य र मान्यता र नैतिकताका बारेमा सोच्नुपर्ने तर्क गरे। उनले प्रधानन्यायाधीशले गल्ती गर्नै नपाउने भन्दै यदि उनले गरेका गल्ती वस्तुनिष्ठ भए सबै राजनीतिक दलले छलफल गरेर निकास दिनुपर्ने बताए।
तपाईंको ईमेल गोप्य राखिनेछ ।