काठमाडौं : भारतीय योगगुरु रामदेव बाबाको टोली शनिबार बिहान चन्द्रागिरि डाँडामा योग ध्यान तथा प्रशिक्षणका लागि चन्द्रागिरि डाँडामा पुगेको छ।
त्यहाँ पुगेर रामदेव बाबाले नेपाल एकीकरणका अभियन्ता पृथ्वीनारायण शाहप्रति सम्मान प्रकट गरे। उनले भने, 'नेपाल एकीकरण गर्ने पृथ्वीनारायण शाहप्रति मेरो नमन छ, जसरी मेरो भारतका बल्लव भाइ पट्टेलप्रति सदैव श्रद्धा रही आएको छ।'
उनले अगाडि भने, 'नेपाल पशुपतिनाथ, मुक्तिनाथको देश हो, यो सीता माता र भगवान गौतमबुद्ध जन्मिएको धर्ती हो, म नेपालको यो धार्मिक तथा आध्यात्मिक पर्यटनको व्यापक प्रचार गर्छु, निःशुल्क प्रचार गर्छु।'
उनले चन्द्रागिरि हिल्सको धार्मिक, सांस्कृतिक, ऐतिहासिक तथा यहाँको प्राकृतिक सुन्दर पक्षको बयान गरे।
रामदेव बाबा र आचार्य बालकृष्णले त्यस अवसरमा चन्द्रागिरिमा अवस्थित भालेश्वर महादेव मन्दिरमा पूजाअर्चना पनि गरेका थिए। योगगुरु रामदेव बाबा र आचार्य बालकृष्ण बिहीबार नेपाल आएका हुन्।
केही तस्वीर झलक :
तपाईंको ईमेल गोप्य राखिनेछ ।