काठमाडौं : राष्ट्रिय खेलकुद परिषद् (राखेप) का पूर्व उपाध्यक्ष लामा टेण्डी शेर्पाको निधन भएको छ।
नशा सम्बन्धी रोगबाट पीडित ५० वर्षे शेर्पाको बुधबार बिहान ३ः३० बजे विशालनगरस्थित ओरिगन केयर होममा निधन भएको पारिवारिक स्रोतले जनालएको छ।
नशा सम्बन्धी रोगले थला परेका उनले अमेरिका, भारत र चीनमा गएर उपचार गराएका थिए।
अमृत साइन्स क्याम्पसका पूर्व सभापति समेत रहेका शेर्पा नेपाल ओलम्पिक कमिटी (एनओसी) र नेपाल खेलकुद महासंघका पूर्व महासचिव, नेपाल बास्केटबल संघका पूर्व अध्यक्ष समेत थिए। टेण्डीका बुवा, आमा, दुई दाई र बहिनी छन्।
तपाईंको ईमेल गोप्य राखिनेछ ।