काठमाडौं : सरकारले अग्रपंक्तिमा खटिनेहरूलाई आजदेखि कोरोनाविरुद्धको बुस्टर डोज खोप दिन सुरु गरेको छ। यसअघि पूर्ण मात्रा खोप लगाइसकेको ६ महिना पूरा भएकालाई बुस्टर डोज दिइने स्वास्थ्य तथा जनसंख्या मन्त्रालयले जनाएको छ।
बुस्टर डोजमा पहिले लगाइएकै खोप दिइने मन्त्रालयले जनाएको छ। बुस्टर डोज लगाउनका लागि काठमाडौंको सिभिल अस्पतालमा निकै भिडभाड बढेको छ।
लामो लाइन र उच्च भिडभाडले गर्दा कोरोना संक्रमणको जोखिम झनै बढेको सहजै अनुमान गर्न सकिन्छ। कोही लाइनमा पालो कुरिरहेका देखिन्थे भने कोही पालो नआउने देखेर यत्तिक्कै फर्किरहेका थिए।
६० वर्ष र उक्त उमेरभन्दा माथिका ज्येष्ठ नागरिकलाई भने माघ १४ गतेदेखि बुस्टर डोज दिइने मन्त्रालयले निर्णय गरेको छ।
केही तस्वीर झलक :
तपाईंको ईमेल गोप्य राखिनेछ ।