काठमाडौं : जनता समाजवादी पार्टी (जसपा) संघीय परिषद् अध्यक्ष डा. बाबुराम भट्टराईले लोकतन्त्रको आधार भनेको व्यक्तिले आफ्नो विचार/मत खुला रूपमा व्यक्त गर्न र प्रचारप्रसार गर्न पाउनुपर्ने बताएका छन्।
स्थानीय तहको निर्वाचनमा उनले आफूले हालेको मत सार्वजनिक गरेपछि विभिन्न टीकाटिप्पणी भएपछि यस्तो बताएका हुन्।
उनले ट्वीटरमा लेखेका छन्, ‘लोकतन्त्रको आधार भनेको व्यक्तिले आफ्नो विचार/मत खुला रूपमा व्यक्त गर्न र प्रचारप्रसार गर्न पाउनु हो। मतदान गोप्य नै हुनुपर्छ भन्ने कुनै सिद्धान्त हुँदैन।’
मतदान गरेको कुरा आफूले गोप्य राख्ने र देखाउनु अधिकारको विषयमा भएको समेत बताए। ‘गोप्य मतदान भनेको कसैले आफ्नो मत गोप्य राख्न चाहन्छ भने उसलाई त्यो छुट दिने भनेको हो। तर कसैले खुला गर्छ भने रोक्ने भनेको हैन’ उनको भनाइ छ।
तपाईंको ईमेल गोप्य राखिनेछ ।