|

काठमाडौं : सरकारले निर्णय गरेको साताको दुई दिन सार्वजनिक बिदा त्रिभुवन विश्वविद्यालय (त्रिवि)अन्तर्गतका क्याम्पसमा लागू नहुने भएको छ। त्रिवि रजिस्ट्रारको कार्यालय सूचना तथा जनसम्पर्क महाशाखाले आइतबार सूचना जारी गरि बिदा लागू नगर्नू भनेको हो।

सूचनामा कोभिड-१९ ले समेत शिक्षा क्षेत्रमा असर पुर्‍याएकाले समयमा कोर्स सक्न बिदाको व्यवस्था नगरिएको उल्लेख गरिएको छ। त्रिविबाट अर्को सूचना जारी नगरुञ्जेलसम्मका लागि त्रिविबाट प्रदान गरिने सेवा र पठनपाठन नियमित सञ्चालन हुने त्रिविले जनाएको छ।

त्यस्तै, भक्तपुर नगरपालिकाले पनि नगरपालिकाभित्रका निजी तथा सामुदायिक विद्यालयलाई तत्काल सार्वजनिक बिदा नदिन र साबिककै अनुसार पठनपाठन थाल्न निर्देशन दिएको छ। 

सरकारले पेट्रोलियम पदार्थको आयात घटाएर विदेशी विनिमय सञ्चिति बढाउन भन्दै शनिबार र आइतबार दुई दिन सार्वजनिक बिदा दिने निर्णय आज जेठ १ गतेदेखि लागू भएको छ।

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.