काठमाडौं : ललितपुर महानगरपालिकामा गठबन्धनबाट नेपाली कांग्रेसका मेयर उम्मेदवार चिरिबाबु महर्जनले अग्रता कायमै राखेका छन्।
२३ हजार ५ सय ६२ मतगणना गर्दा महर्जनले १२ हजार ८ सय ५८ मत प्राप्त गरेका छन्। नेकपा एमालेका हरिकृष्ण व्यञ्जनकारले ६ हजार ४ सय ४० मत प्राप्त गरेका छन्।
राष्ट्रिय प्रजातन्त्र पार्टीका उम्मेदवार अष्ट बहादुर महर्जनले १ हजार ५५ मत पाएका छन्। महानगरपालिकाको उपप्रमुखमा नेकपा एमालेकी उम्मेदवार मञ्जली शाक्य बज्राचार्यले ६ हजार ७ सय ७७ मत प्राप्त गरेकी छिन्।
नेपाल कम्युनिष्ट पार्टी (माओवादी) केन्द्रका बाबुराज बज्राचार्य ५ हजार ३९ मत प्राप्त गरेका छन् भने राप्रपाका उम्मेदवार स्वर्णिम शाक्यले १९ सय २१ मत ल्याएका छन्। ललितपुरको जावलाखेलस्थित स्थानीय विकास प्रशिक्षण प्रतिष्ठानमा कडा सुरक्षाबीच मतगणना जारी छ।
तपाईंको ईमेल गोप्य राखिनेछ ।