|

काठमाडौंः निर्माता तथा निर्देशक मुनाल घिमिरे वडाध्यक्षमा निर्वाचित भएका छन्। दाङको घोराही उपमहानगरपालिकाको वडा नं. ४ मा एमालेबाट उम्मेदवारी दिएका घिमिरे वडाध्यक्षमा निर्वाचित भएका हुन्।

पछिल्लो समय फिल्म क्षेत्रबाट टाढा रहेका घिमिरे सामाजिक तथा राजनीतिक काममा सक्रिय छन्। वडाध्यक्षमा निर्वाचित भएपछि घिमिरेले सामाजिक सञ्जाल मार्फत आफ्ना मतदातालाई धन्यवाद दिँदै आफ्नो वडालाई देशकै नमुना वडा बनाउने घोषणा पनि गरेका छन्। 

भर्खरै सम्पन्न स्थानीय तहको निर्वाचनमा नेपाली कला क्षेत्रबाट पनि धेरै कलाकारले उम्मेदवारी दिएका थिए। घिमिरेसँगै अभिनेता राज घिमिरे गोदावरी वडा नं. ३ को वडाध्यक्षमा निर्वाचित भएका छन्, हाँस्य कलाकार तथा निर्देशक किशोर भण्डारी कागेश्वरी नगरपालिका वडा नं. ९ को वडा सदस्यमा निर्वाचित भएका छन्। 

त्यस्तै र्‍यापर बालेन साह काठमाडौंको मेयर पदमा स्वतन्त्र रुपमा उठेका छन्। नेकपा एमाले, नेपाली कांग्रेस जस्ता ठूला पार्टीका उम्मेदवारलाई झण्डै दोब्बर मतले पछि पार्दै बालेनले अग्रता लिइरहेका छन्।  
 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.