काठमाडौं : ए डिभिजन क्लब न्युरोड टिम (एनआरटी) टुवान याङ टेरुतमा (टीवाईटी) कप फुटबलको दोस्रो खेलमा फराकिलो हार ब्यहोरेको छ ।
मलेसियाको पेनाङ सिटी रंगशालामा भएको खेलमा एनआरटी मलेसियन सुपर लिग क्लब पेनाङ एफसीसँग ५–० गोलले पराजित भएको हो।
पेनाङले खेलको पहिलो हाफमा दुई र दोस्रो हाफमा थप तीन गोल थप्यो। पेनाङको जितमा लुकास सिल्भाले ह्याट्रिकसहित ४ गोल गरे। सराभानले एक गोल गरे।
यसअघि बिहीबार भएको खेलमा एनआरटी इन्डोनेसियाको लिग टु क्लब कारो एफसीसँग ५–१ गोलले पराजित भएको थियो।
तपाईंको ईमेल गोप्य राखिनेछ ।