काठमाडौं : इंग्लिस प्रिमियर लिग फुटबलमा चेल्सीले संघर्षपूर्ण जित निकालेको छ।
गुडिसन पार्कमा शनिबार राति भएको खेलमा चेल्सीले एभर्टनविरुद्ध १-० गोल अन्तरको जित निकालेको हो। चेल्सीको जितमा जोर्गिन्होले निर्णायक गोल गरे। पहिलो हाफको इन्जुरी समयमा जोर्गिन्होले पेनाल्टीबाट गोल गर्दै चेल्सीलाई तीन अंक दिलाएका हुन्। एभर्टनले भने हारबाट सिजनको सुरुआत गरेको छ।
यस्तै गएराति भएको अर्को खेलमा टोटेनह्यामले सहज जित निकालेको छ। टोटनह्यामले साउथह्याम्पटनलाई ४-१ गोल अन्तरले हराउँदै सिजनको सुखद सुरुआत गरेको हो। गएराति नै भएका अन्य खेलमा लिड्स युनाईटेडउल्भ्सलाई २-१ गोल अन्तरले हरायो।
न्युकासल युनाईटेडले नवप्रवेशी क्लब नटिङघम फरेस्टलाई २-० ले हराएर सुखद सुरुआत गरेको छ। त्यस्तै बर्नेमाउथले एस्टन भिल्लालाई २-० ले हरायो। हिजै भएको अर्को खेलमा लिभरपुल र फुलहम २-२ को बराबरीमा रोकिए।
तपाईंको ईमेल गोप्य राखिनेछ ।