काठमाडौं : प्रतिनिधिसभा तथा प्रदेशसभाको निर्वाचनको प्रत्यक्षतर्फको नतिजा अन्तिम चरणमा पुगेको छ। यस्तै, समानुपातिकतर्फको मतपरिणाम आउने क्रम पनि अन्तिममा पुगेको छ।
प्रतिनिधिसभा र प्रदेशसभाको प्रत्यक्षमा कांग्रेस पहिलो दल बनेको छ भने नेकपा एमाले दोस्रो बनेको छ। समानुपातिकतर्फ भने एमाले पहिलो दल बन्नेछ। दोस्रोमा कांग्रेस दोस्रो पार्टी बन्ने निश्चित देखिएको छ।
साेमबार मध्यान्ह १ बजेसम्म ९३ लाख २१ हजार ५५३ मतगणना भएको छ। पछिल्लो परिणामअनुसार नेकपा एमालेले २५ लाख३८ हजार ३४१ मत प्राप्त गरेको छ। यस्तै, नेपाली कांग्रेसले २४ लाख २ हजार ९८८ मत पाएको छ।
राष्ट्रिय स्वतन्त्र पार्टीलाई माओवादी केन्द्रले उछिनेको छ। यसअघि रास्वपाबाट पछि परेको माओवादी केन्द्रले अग्रता लिएको हो। माओवादी केन्द्र १० लाख ६६ हजार ६४१ मत पाएर तेस्राे स्थानमा छ। राष्ट्रिय स्वतन्त्र पार्टीले १० लाख ६४ हजार २५२ मत पाएको छ।
राष्ट्रिय प्रजातन्त्र पार्टी ५ लाख ४५हजार ९३३, जनता समाजवादी पार्टी, नेपाल ३ लाख २७ हजार ९१०, जनमत पार्टी २ लाख६४ हजार ४२, नेपाल कम्युनिष्ट पार्टी (एकीकृत समाजवादी) २ लाख ५२ हजार ६९८, नागरिक उन्मुक्ति पार्टी २ लाख ३७ हजार ९६५ र लोकतान्त्रिक समाजवादी पार्टी नेपालले १ लाख २७ हजार ९५२ मत पाएकाे छ। निर्वाचन आयोगले तीव्र गतिमा उच्च सुरक्षाबीच मतगणना गरिरहेको छ।
तपाईंको ईमेल गोप्य राखिनेछ ।