|

काठमाडौं : तान्जानियाले देशको उत्तर–पश्चिम कागेरा क्षेत्रमा मारबर्ग भाइरस रोगको पहिलो पटक पुष्टि भएको छ।

तान्जानियाको राष्ट्रिय जनस्वास्थ्य प्रयोगशालाले आठजनामा ​​ज्वरो, बान्ता, रक्तस्राव र मृगौला फेल हुने जस्ता लक्षण देखा परेपछि बिरामीको कारण पत्ता लगाउन गरिएको नमुना परीक्षणमा मारबर्ग भाइरस पुष्टि भएको हो।​

तान्जानियाको राष्ट्रिय जनस्वास्थ्य प्रयोगशालाले आठजनामा ​​ज्वरो, बान्ता, रक्तस्राव र मृगौला फेल हुने जस्ता लक्षण देखा परेपछि बिरामीको कारण पत्ता लगाउन नमुना विश्लेषण गरेको थियो।

एक स्वास्थ्यकर्मीसहित आठमध्ये पाँचजनाको मृत्यु भएको छ भने बाँकी तीनजनाको उपचार भइरहेको छ। कुल १६१ जना सम्पर्क भएका व्यक्ति पहिचान गरिएको छ र निगरानी भइरहेको जनाइएको छ।

‘हामी भाइरसको फैलावट रोक्न र प्रकोपलाई जतिसक्दो चाँडो अन्त्य गर्न नियन्त्रणका उपायहरू व्यवस्थित गर्न सरकारसँग काम गरिरहेका छौं’‚ विश्व स्वास्थ्य संगठन (डब्ल्यूएचओ) अफ्रिकाका क्षेत्रीय निर्देशक डा. मात्शिडिसो मोएतीले भने।

डब्ल्यूएचओले स्वास्थ्य मन्त्रालयलाई थप महामारीको अनुसन्धान गर्न कागेरामा आपत्‌कालीन टोली खटाउन सहयोग गरिरहेको छ। आकस्मिक टोलीले समुदाय र स्थानीय स्वास्थ्य सेवा सुविधामा थप सम्पर्क पहिचान गर्न र तिनीहरूलाई उपयुक्त हेरचाह प्रदान गर्न संक्रमितको खोजीमा ध्यान केन्द्रित गर्नेछ।

तान्जानियामा यसअघि कहिल्यै मारबर्गका विरामी भेटिएका थिएनन्। यसले गत तीन वर्षभित्र कोभिड १९, हैजा र डेंगु लगायत अन्य स्वास्थ्य आपत्‌कालीन अवस्थासँग जुध्नुपरेको थियो। विश्व स्वास्थ्य संगठनद्वारा सेप्टेम्बर २०२२ मा गरिएको रणनीतिक जोखिम मूल्याङ्कनले देश संक्रामक रोगहरूको प्रकोपका लागि उच्च जोखिममा रहेको देखाएको छ।​

मारबर्ग भाइरस रोग अत्यधिक भाइरल छ र रक्तस्राविक ज्वरो निम्त्याउँछ, मृत्यु अनुपात ८८ प्रतिशतसम्म हुने गरेको छ। मारबर्ग भाइरसका कारणले रोग अचानक सुरु हुन्छ। उच्च ज्वरो, गम्भीर टाउको दुखाइ र गम्भीर अस्वस्थता हुन्छ। धेरै विरामीमा सात दिनभित्र गम्भीर रक्तस्रावका लक्षण देखापर्छन्। यो भाइरस चमेरोबाट मानिसमा सर्छ र संक्रमित व्यक्तिको शरीरको तरल पदार्थको सतहसँग प्रत्यक्ष सम्पर्कबाट मानिसमा फैलिन्छ।

संक्रमित व्यक्तिको शारीरिक तरल पदार्थ र प्रत्यक्ष सम्पर्कबाट मानिसमा फैलन्छ। 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.