पाल्पा : पाल्पामा सवारी दुर्घटनामा हुँदा बुधबार एकजनाको मृत्यु भएको छ।
मृत्यु हुनेमा बगनासकाली गाउँपालिका-७ खानीगाउँका २८ वर्षीय सुधन भट्टराई रहेका जिल्ला प्रहरी कार्यालय पाल्पाका सूचना अधिकारी प्रहरी निरीक्षक सन्तोष चन्दले बताए।
तानसेनबाट खानीगाउँतर्फ जाँदै गरेको लु५५ प ६८५६ नम्बरको मोटरसाइकल र विपरीत दिशाबाट तानसेन आउँदै गरेको लु१ ज १७५९ नम्बरको जीप सोही गाउँपालिकाको वडा नम्बर ९ चापपानी भित्री सडकमा बिहान साढे ११ बजे आपसमा ठोक्किएर दुर्घटना भएको हो। मृतक मोटरसाइकल चालक हुन्।
गम्भीर घाइते उनलाई तानसेनस्थित युनाइटेड मिसन अस्पतालमा सामान्य उपचारपछि थप उपचारका लागि दिउँसो ३ बजे हेलिकप्टरमार्फत काठमाडौँको ग्राण्डी हस्पिटल लगिएको थियो। उपचारका क्रममा बेलुकी करिब ६ बजे उनको मृत्यु भएको प्रहरी निरीक्षक चन्दले बताए।
जीप चालकलाई नियन्त्रणमा लिएको उनले बताए। घटनाबारे थप अनुसन्धान भइरहेको प्रहरीले जनाएको छ।
तपाईंको ईमेल गोप्य राखिनेछ ।