न्यूयोर्क : परराष्ट्रमन्त्री एनपी साउदले अतिकम विकसित देशहरूको पूर्वाधारका लागि वित्तीय साधनको परिचालन महत्त्वपूर्ण पक्ष भएको बताएका छन्।
संयुक्त राष्ट्रसंघको जारी ७८औँ महासभामा बिहीबार ‘द समिट फर फ्युचर’ विषयक मन्त्रीहरूको सम्मेलनमा अतिकम विकसित राष्ट्रहरूको अध्यक्षको हैसियतले सम्बोधन गर्दै मन्त्री साउदले अतिकम विकसित देशहरूको विकासका लागि अन्तराष्ट्रिय सहयोग महत्त्वपूर्ण रहेको बताएका हुन्।
‘अतिकम विकसित देशहरूको व्यापार समस्यालाई समाधान गर्न व्यापार सेवामा सुधार गर्दै सुविधा प्रदान गर्नु अपरिहार्य छ’, उनले भने। उनले अतिकम विकसित देशहरूको आर्थिक, सामाजिक, व्यापारिक रणनीतिमा सुधार गर्न अन्तराष्ट्रिय सहयोग महत्त्वपूर्ण रहेको बताए।
तपाईंको ईमेल गोप्य राखिनेछ ।