|

काठमाडौं : नेकपा माओवादी केन्द्रको स्थायी समिति बैठक बुधबार पनि बस्दैछ। बैठक अहिले साढे ८ बजे पार्टी केन्द्रीय कार्यालय पेरिसडाँडामा शुरु हुने सचिव गणेश साहले जानकारी दिए। 

बैठकमा पार्टीले सञ्चालन गर्न लागेको तराई-मधेश र उत्तर-दक्षिण अभियानको तालिका तयार पार्ने उनले बताए। बैठकमा स्थायी समितिका सदस्यहरूले उठाएका विषयमा प्रधानमन्त्रीसमेत रहेका पार्टीका अध्यक्ष पुष्पकमल दाहाल ‘प्रचण्ड’ले जवाफ दिनेछन्। 

अध्यक्षको जवाफपछि बैठक आजै सकिने सचिव साहले बतए।  बैठकको पहिलो दिन हिजो गठबन्धन सहयात्री दल कांग्रेसको महासमिति बैठकमा प्रस्तुत भएको प्रतिवेदनमा माओवदिप्रतिको दृष्टिकोणका बारेमा सदस्यहरूले आपत्ति जनाएका थिए। 

कांग्रेसका उपसभापति पूर्णबहादुर खड्का र महामन्त्री गगन थापाले प्रस्तुत गर्नु भएको प्रतिवेदनलाई लिएर माओवादी स्थायी कमिटी सदस्यहरूले आलोचना गरेका हुन्। उनीहरुले राष्ट्रियसभा सदस्य चुनावमा कांग्रेसले धोका दिएको भन्दै राष्ट्रिय सभा अध्यक्ष माओवादीले लिनुपर्ने माग पनि गरेका छन् । 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.