|

काठमाडौं : नेपाल समाजवादी पार्टी (नेसपा)का अध्यक्ष डा. बाबुराम भट्टराईले संसदीय अंकगणित मिलाएर कुर्सीको दिनगन्तीमा रमाउनेहरूबाट नयाँ केही आशा गर्न नसकिने टिप्पणी गरेका छन्।

मुलुकको वार्षिक बजेट प्रस्तुति हुँदै गर्दा सोमबार राति सामाजिक सञ्जालमा प्रतिक्रिया दिँदै भट्टराईले  सरकारी र सार्वजनिक विमर्शहरू पुरानै कर्मकाण्डी प्रकृतिका हुनु विडम्बनापूर्ण रहेको बताएका छन् ।

पूर्व अर्थमन्त्रीसमेत रहेका उनले अल्पविकास र परनिर्भरताको दुष्चक्रमा फसेको अर्थतन्त्रलाई केही दशकभित्र समृद्ध आधुनिक औद्योगिक अर्थतन्त्रमा रूपान्तरण गर्न कछुवाझैँ घस्रने क्रमिक विकासको बाटो नभई भ्यागुतो झैँ उफ्रिने छलाङको बाटो अपनाउनुपर्ने तर्क गरेका छन् ।

‘वर्षिक बजेट प्रस्तुतिको पूर्व सन्ध्यामा हाम्रा सरकारी र सार्वजनिक विमर्शहरू उही पुरानै कर्मकाण्डी प्रकृतिका हुनु/देखिनु विडम्वनापूर्ण छ। क्षणिक पपुलिष्ट वा तुष्टीकरणवादी बजेट हैन  मूल नारा ‘दुइ अंकको वृद्धिदर, दुई दशक निरन्तर’ किटान गरेर त्यसलाई व्यवहारमा परिणत गर्न आवश्यक पर्ने  गम्भीर प्रकृतिका राजनीतिक, आर्थिक, सामाजिक, प्रशासनिक, कानूनी, वित्तीय, मौद्रिक क्षेत्रगत संरचनात्मक सुधार र रूपान्तरणकारी नीति-कार्यक्रम ल्याउने र लागू गर्ने साहस गर्नुपर्छ’, निराशा प्रकट गर्दै उनले लेखेका छन्, ‘संसदीय अंकगणित मिलाएर कुर्सीको दिनगन्तीमा रमाउनेहरूबाट त्यस्तो के आशा गर्नु र!’

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.