|

पोखरा : गण्डकी प्रदेशका मुख्यमन्त्री सुरेन्द्रराज पाण्डेले आज मन्त्रिपरिसद् विस्तार गर्दैछन्। 

माओवादीबाट चुनाव चिन्ह लिएर जितेका नेपाल समाजवादी पार्टीका नेता फणीन्द्र देवकोटा र स्वतन्त्र सांसद  राजीव गुरुङ ‘दीपक मनाङे’लाई  मन्त्री बनाउने मुख्यमन्त्रीको तयारी छ। 

माओवादी चुनाव चिन्हबाट विजयी नेपाल समाजवादी पार्टीका सांसद फणीन्द्र देवकोटाले ह्वीप जारी भए पनि सुरेन्द्रराजलाई विश्वासको मत दिएका थिए। आज उनै फणीन्द्र मन्त्री नियुक्त भएर सपथ गराउने कार्यक्रम तय भएको मुख्यमन्त्री पाण्डेले बताएका छन्। उनले विहान ११ बजे शपथ गराउने तय भएको बताए।  देवकोटाले पनि आफू पार्टीको आन्तरिक छलफलमै रहेको र १० बजे मुख्ममन्त्रीसँग भेट गर्ने बताए। 

देवकोटासँगै मनाङका स्वतन्त्र सांसद राजीव गुरुङ (दीपक मनाङे) गण्डकीमा छैटौं पटक मन्त्री हुँदैछन्। सत्ताको खेललाई आफ्नो पक्षमा पार्दै आएका मनाङे यसपटक पनि भौतिक पूर्वाधारमै दोहोरिने नेताहरुले बताइरहेका छन्।

देवकाटाले ऊर्जा, जलस्रोत तथा खानेपानी मन्त्रालय पाउने बताइएको छ । फणीन्द्र अहिले माओवादी कोटाबाटै संसदको सामाजिक विकास समिति सभापति छन्। सरकारलाई विश्वासको मत दिएको राप्रपा भने सरकारमा सहभागी नहुने भएको छ। प्रदेश सरकारको स्थिरताका लागि सरकारलाई समर्थन गरेको भन्दै राप्रपाका सांसद पञ्चराम गुरुङले सरकारमा सहभागी नहुने बताए।  

सर्वोच्चको परमादेशमा जेठ १६ गते मुख्यमन्त्रीमा नियुक्त भएका पाण्डेले आजै मन्त्रिपरिषद बिस्तार गरेर नीति तथा कार्यक्रम ल्याउने तयारी गरेका छन्। दिउँसो ३ बजे नीति तथा कार्यक्रम सार्वजनिक गरिने मुख्मयन्त्री पाण्डेले बताएका छन्।

 सरकारमा कांग्रेसका टकराज गुरुङ आर्थिक मामिला र विन्दुकुमार थापा उर्जा मन्त्रालयमा यस अघि नै नियुक्त भएका छन्। 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.