|

काठमाडौं : टी–२० विश्वकप क्रिकेटमा नामिबयिाले अष्ट्रेलियालाई ७३ रनको विजयी लक्ष्य दिएको छ। 

एन्टीगास्थित सर भिभियन रिचार्ड्स स्टेडियममा जारी खेलमा टस हारेर ब्याटिङ गरेको नामिबियाले १७ ओभरमा अलआउट हुँदै ७२ रनमात्र बनाउन सक्यो। 
नामबियिाका जेराड इरामुसको ३६ रन नै सर्वाधिक रह्यो। यस्तै ओपनर माइकल भानले १० रन बनाउनु बाहेक अन्य कुनै ब्याट्सब्यानले दोहोरो अंक बनाउन सकेनन्। 

अष्ट्रेलियाका एडम जाम्पाले चार विकेट लिए। चार ओभर बलिङ गरेका जाम्पाले १२ रन खर्चेर ४ विकेट चट्काए। मार्कस स्टोनिस र जोश हाजउडले समान २–२ विकेट लिए। 

समूह बीमा रहेको अस्ट्रेलियाले लगातार दुई खेल जितेको छ भने नामिबियाले २ खेलमा एक जित र एक हार बेहोरेको छ।

आजै समुह ए अन्तर्गतको अमेरिका र भारतबीच हुँदै छ। न्यूयोर्कस्थित नासाउ काउन्टी स्टेडियममा हुने यो खेल नेपाली समय अनुसार राति सवा बजेदेखि शुरु हुनेछ। 

जारी विश्वकपमा अमेरिका र भारत अपराजित छन्। भारतले पाकिस्तान र आयरल्याण्डलाई पराजित गरेको छ। अमेरिकाले पाकिस्तान र क्यानडालाई हराएको छ। 

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.