काठमाडौं : सिन्धुपाल्चोक जिल्लामा पर्ने पाँच पोखरी क्षेत्र पवित्र धार्मिक तथा पर्यटकीय स्थल हो । समुद्री सतहबाट करिब ४२ सय मिटर उचाइमा रहेको यस क्षेत्रलाई धार्मिक, सांस्कृतिक तथा प्राकृतिक सम्पदाले भरिपूर्ण ‘पाँच पोखरी’ हिन्दू तथा बौद्ध धर्मावलम्बीको धार्मिक तथा सांस्कृतिक संगमस्थल मानिन्छ।
पाँच पोखरीमा पाँचवटा पोखरी छन्। पोखरीलाई भैरव कुण्ड, सरस्वती कुण्ड, सूर्य कुण्ड, गणेश कुण्ड र नाग कुण्ड भनिन्छ। पाँच पोखरी कुण्ड इन्द्रावती नदीको उद्गमस्थल हो। हरेक वर्ष भदौ महिनाको एकादशीदेखि जनैपूर्णिमाको दिनसम्म मेला लाग्ने गर्छ। यस पोखरीको धार्मिक पक्ष खोतल्दै जाने हो भने स्कन्ध पुराणको हिमवत् खण्डमा पञ्चपोखरी नामको महान् तीर्थस्थलको वर्णन छ, जसलाई तीर्थराज प्रयाग र बाँणगंगा (कुरुक्षेत्र) समानका तीर्थस्थल भनिएको छ।
केही तस्वीर झलक :
तपाईंको ईमेल गोप्य राखिनेछ ।