काठमाडौँ : नेपाल कम्युनिष्ट पार्टी (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले संयुक्त अरब एमिरेट्स (युएई) सँगको आजको खेलमा ऐतिहासिक विजय हासिल गरेका नेपाली महिला क्रिकेट टोलीलाई बधाई ज्ञापन गरेका छन्।
उनले महिला क्रिकेट टोलीलाई जीतका अवसरमा बधाई ज्ञापन गर्दै निरन्तर प्रगतिको शुभकामनासमेत दिए।
आज साँझ सामाजिक सञ्जालमार्फत अध्यक्ष प्रचण्डले भने, “क्रिकेटमा एकपछि अर्को सफलता हासिल गरिरहेको नेपाली टोलीलाई थप सफलता दिलाउन हामी सबैले सहयोग र प्रेरणा प्रदान गरौँ।”
आजको पहिलो खेलमा नेपालले युएईलाई ६ विकेटले पराजित गरेको हो। युएईले दिएको एक सय १६ रनको लक्ष्य पछ्याएको नेपालले १६.१ ओभरमा चार विकेट गुमाउँदै लक्ष्य पार गरेको थियो।
तपाईंको ईमेल गोप्य राखिनेछ ।