काठमाडौं : पहिरोका कारण पृथ्वी राजमार्ग अवरुद्ध भएको छ। बुधबार बिहान इच्छाकामना गाउँपालिका-४ स्थित नाग्दी खोला भन्ने स्थानमा ढुङ्गासहितको पहिरो खसेपछि सडक अवरुद्ध भएको हो।
प्रहरीका अनुसार पहिरोका कारण दुईतर्फी नै सडक अवरुद्ध छ। सवारीसाधन र तिनमा सवार यात्रुहरु बीच बाटोमै रोकिएका छन्।
पहिरो सफा गर्ने कार्य शुरु भएको चितवनका प्रमुख जिल्ला अधिकारी इन्द्रदेव यादवले जानकारी दिए। उनका अनुसार पहिरो पन्छाउन डेढदेखि दुई घण्टा लाग्नेछ।
सडक विभागसँग समन्वय गरी लोडर प्रयोग गरेर सडक खुलाउने पहल भइरहेको छ।
तपाईंको ईमेल गोप्य राखिनेछ ।