काठमाडौँ : सामान्यतया मुटुको धड्कन बढेको अवस्थालाई मुटुसँग सम्बन्धित स्वास्थ्यलाई लिएर हेर्न गरिन्छ। कहिलेकाहीँ यसरी सामान्य अवस्थाभन्दा फरक तरिकाले धड्किने मुटुको धड्कन स्वास्थ्य गडबडीले नधड्किएको पनि हुन सक्छ।
कहिलेकाहीँ मुटुको धड्कन बढेको अवस्थामा मुटुको सट्टा मस्तिष्कको समस्यासँग सम्बन्धित हुन सक्छ। जसलाई चिकित्सकीय भाषामा एन्जाइटी भनिन्छ। जुन समस्या मानिसको मानसिक स्वास्थ्यसँग जोडिएको हुन्छ। यसले गर्दा मुटुको धड्कन बढिरहेको छ भने मुटुको समस्याले हो कि मस्तिष्कको समस्याले हो भनेर छुट्याउनु पर्छ।
के हो एन्जाइटी ?
एन्जाइटी पनि डिप्रेशन जस्तै एक मानसिक स्वास्थ्य समस्या हो। जुन समस्या मानिस जब कुनै कुराको बारेमा बढी चिन्तित हुन्छ, उसले त्यसको बारेमा थप सोच्न थाल्छ भने त्यसले एन्जाइटी निम्त्याउँछ।
एन्जाइटीको मुख्य लक्षण भनेको मुटुको धड्कन बढ्ने, नर्भस हुने, बेचैनी महसुस गर्ने र मानिसलाई अचानक पसिना आउने हो। यस्तो लक्षण देखिए र एन्जाइटी चरम सीमामा पुगेमा व्यक्तिलाई 'प्यानिक अट्याक' हुने खतरा पनि बढ्छ।
कसरी आफूलाई एन्जाइटीबाट टाढा राख्ने?
एन्जाइटीबाट बच्न सकिने चिकित्सकहरू बताउँछन्। यसका लागि ध्यानको सहारा लिन सकिन्छ। यदि तपाईं कुनै कुराको बारेमा चिन्तित हुनुहुन्छ भने, तपाईंले आफ्नो साथी, पार्टनर, परिवार वा अन्य चिनेकाहरूसँग कुरा गर्नुपर्छ।
चिन्ताबाट बच्नका लागि, धेरै सोचाइबाट बच्नुपर्छ। आफ्नो ध्यान हटाउन, तपाईंले आफ्नो शोख र रुचिमा समय खर्च गर्नुपर्छ। यसले तपाईंको दिमागलाई हल्का राख्छ र तपाईंले राम्रो महसुस गर्नुहुनेछ। रमाइलो र काममा आफूलाई व्यस्त राख्नुपर्छ। पूरा सुत्ने प्रयास गर्नुहोस्।
यदि समस्या समाधान भइरहेको छैन भने, एक विशेषज्ञसँग परामर्श गर्न नहिच्किचाउनुस्।
तपाईंको ईमेल गोप्य राखिनेछ ।