काठमाडौंं : युरोपेली च्याम्पियन्स लिग फुटबलमा म्यानचेस्टर सिटी बराबरीमा रोकिएको छ।
गएराति भएको खेलमा इंग्लिस क्लब सिटी इटालियन क्लब एसी मिलानसँग गोल रहित बराबरीमा रोकिएको हो।
अन्य दुई प्रमुख क्लब बोरुसिया डर्टमुन्ड र पेरिस सेन्ट जर्मेन पीएसजी भने जित निकाल्न सफल रहे। डर्टमुन्डले क्लब ब्रुगलाई ३–० ले पराजित गर्यो।
पीएसजीले जिरोनामाथि हात पारेको १–० जितमा भने आत्मघाती गोल निर्णायक रह्यो।
अर्को खेलमा सेल्टिकले स्लोभान ब्राटिस्लाभामाथि ५–१ को प्रभावशाली जित दर्ता गरेको थियो। यस्तै स्पार्टा प्राहाले आरबी साल्जबर्गलाई ३–०ले हरायो ।
च्याम्पियन्स लिगमा आज पनि ६ वटा खेल हुँदैछन्। ३६ वटा टोली सहभागी प्रतियोगितामा बार्यन म्युनिख शीर्ष, सेल्टिक दोस्रो र एस्टन भिला तेस्रो स्थानमा छन्।
तपाईंको ईमेल गोप्य राखिनेछ ।