|

महोत्तरी : निरन्तरको चिसोले महोत्तरीमा श्वासप्रश्वासका बिरामी बढेका छन्। जिल्लाका सबै भेगमा बिरामी बढेका स्थानीय अस्पतालले जनाएका छन्।

सदरमुकाम जलेश्वरस्थित प्रादेशिक अस्पतालमा बिरामीको चाप बढेको छ। सात दिनयता दैनिक १०० भन्दा बढी बिरामी उपचारका लागि आइरहेका अस्पतालतका मेडिकल सुपरिटेन्डेन्ट डा.विकासकुमार साहले बताए। चिसोले दमका बिरामी बढेको उनले बताए। उपचारार्थ आउने बिरामीमा पाँच वर्षमुनिका बालबालिका र ६० वर्षमाथि उमेरका बढी छन्। 

बर्दिबास अस्पतालमा पनि बिरामी बढेका छन्। माघ लागेसँगै दैनिक ११० देखि १२५ जनासम्म बिरामी आउने गरेका बर्दिबास अस्पतालका मेडिकल सुपरिटेन्डेन्ट डा. सुदीपकुमार ठाकुरले जानकारी दिए। यहाँ उपचारार्थ आउनेमा महिलाको सङ्ख्या बढी रहेको ठाकुरले बताए।

जिल्लाका गौशाला र दक्षिवर्ती सम्सीस्थित प्राथमिक उपचार केन्द्रमा पनि बिरामीको चाप बढेको जिल्ला स्वास्थ्य कार्यालयका प्रमुख तथा वरिष्ठ स्वास्थ्य प्रशासक नवलकिशोर साहले  जानकारी दिए।
 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.