काठमाडौं : सिंहदरबारस्थित खानेपानी मन्त्रालयमा शनिबार बिहान आगलागी हुँदा करिब ५० लाख रुपैयाँ बराबरको क्षति भएको छ।
खानेपानी मन्त्री प्रदीप यादवको कार्यकक्षमा भएको आगलागीमा दुई वटा टेलिभिजन, एउटा डेस्कटप, कम्प्युटर, पानी तताउने मेसिन, टेबल, सोफा, कुर्सीहरू, कार्पेट, क्लोज सर्किट क्यामेराको मनिटरलगायत सामग्री जलेका छन्।
मन्त्रालयका सहसचिव रमाकान्त दुवाडीका अनुसार मन्त्रीको कार्यकक्षमा रु ४० देखि ५० लाखसम्मको क्षति भएको छ। यद्यपि क्षतिको वास्तविक विवरण प्राप्त भएको छैन ।
आगलागीको कारण पनि यकिन भएको छैन। प्रहरीले अनुसन्धान गरिरहेको छ । आगलागीबाट मन्त्रालयका महत्वपूर्ण कागजातमा भने क्षति नभएको मन्त्री यादवले बताएका छन्।
मन्त्री यादवको कार्यकक्षसहित तीनवटा कोठामा क्षति भएको छ। खानेपानी मन्त्रालयको भवनमा भौतिक पूर्वाधार तथा यातायात मन्त्रालय पनि रहेको छ।
तपाईंको ईमेल गोप्य राखिनेछ ।