संखुवासभा : खुवासभाको सभापोखरी गाउँपालिका-४ मा बाढी-पहिरोका कारण यातायात, विद्युत र टेलिफोन सेवा अवरुद्ध भएको छ।
बिहीवार राति आएको बाढी पहिरोले सभापोखरी गाउँपालिकामा यातायात विद्युत र टेलिफोन सेवा अवरुद्ध भएको सभापोखरी गाउँपालिका उपाध्यक्ष लक्ष्मी चापागाईँले जानकारी दिइन्।
गएराति वर्षासँगै आएको बाढी पहिरोका कारण सभापोखरी गाउँपालिका वडा नम्बर ३,४ र ६ लगायतका वडामा यातायात, विद्युत र टेलिफोन अवरुद्ध भएको गाउँपालिका उपाध्यक्ष चापागाईँले बताइन्।
बाढी पहिरोले विभिन्न वडाको सडक र विद्युत पोल बगाएको छ। बाढीले विद्युतका पोल बगाएपछि त्यस क्षेत्रमा विद्युत र टेलिफोन सेवा शुक्रवार बिहानदेखि अवरुद्ध भएको गाउँपालिका उपाध्यक्ष चापागाईँले बताइन्।
बाढीले सभापोखरी गाउँपालिमा ४ मा निर्माणाधीन २१ मेगावटको सभापोखरी हाइड्रोपावरमा समेत क्षति पुगेको छ। बाढी सभापोखरी हाइड्रोपावरको निर्माण सामग्री समेत बगाएको छ।
बाढीले सभापोखरीका विभिन वडामा केही घरहरु विस्थापित भएका छन्।
बाढी पहिरोबाट विस्थापित र क्षति विवरण संकलन थालिएको छ। त्यस क्षेत्रमा अहिले पनि वर्षा भइरहेका कारण विवरण संकलनमा कठिनाइ भएको उनको भनाइ छ।
तपाईंको ईमेल गोप्य राखिनेछ ।