बैतडी : आगामी मंसिरमा हुने उपनिर्वाचनका लागि बैतडीमा प्रमुख राजनीतिक दलहरूले आ आफ्ना उम्मेदवारको टुंगो लगाएका छन्। सत्तारुढ नेपाल कम्युनिस्ट पार्टी (नेकपा) र नेपाली कांग्रेस दुवैका उम्मेदवारको टुंगो लगाएको हो।
वडा अध्यक्ष रिक्त रहेका सुर्नया गाउँपालिका १ पुर्चौडी नगरपालिका ४ र दोगडाकेदार गाउँपालिका ४ मा अगामी मंसिर १४ गते उपनिर्वाचन हुँदैछ। नेकपाका तर्फबाट दोगडाकेदार गाउँपालिका ४ मा नरेन्द्रप्रसाद भट्ट र सुर्नया गाउँपालिका १ मा धनबहादुर चन्द र पुर्चौडी नगरपालिका ४ मा शैलेन्द्र धानुकलाई उम्मेदवार बनाउने निर्णय भएको नेकपाका कार्यालय सचिव प्रजापति जोशीले जानकारी दिए।
यस्तै, कांग्रेसले सुर्नया गाउँपालिका १ को वडा वडाध्यक्षमा गजेन्द्रबहादुर चन्द, पुर्चौडी नगरपालिका ४ मा गोविन्दबहादुर धामी र दोगडाकेदार गाउँपालिका ४ मा सुरेन्द्रप्रसाद भट्टलाई उम्मेदवार बनाउने निर्णय गरेको नेपाली कांग्रेस बैतडीका सचिव बीरबहादुर बिष्टले बताए।
उम्मेदवार टुंगो लागेसँगै नेकपा र कांग्रेस दुबैले प्रचार-प्रसारमा तिब्रता दिएका छन्। यसका साथै साना दलहरूले पनि आफ्ना उम्मेदवारको टुंगो लगाउन आन्तरिक तयारी गरिरहेका छन्।
तपाईंको ईमेल गोप्य राखिनेछ ।