राजनीति

पार्टी निर्णयविपरीत दुई जनप्रतिनिधिले गरे राष्ट्रियसभामा मतदान

माघ ९, २०७६

    जनकपुरधाम : राष्ट्रियसभाको चार सदस्यका लागि प्रदेश २ मा भइरहेको निर्वाचनमा दुई जनप्रतिनिधिले पार्टीको निर्णयविपरीत मतदान गरेका छन्।

    पर्साको पोखरिया नगरपालिकाका प्रमुख दीपनारायणप्रसाद रौनियार र कालिकामाई गाउँपालिकाका प्रमुख नथुनीप्रसाद पार्टीको निर्णयविपरीत राष्ट्रियसभा निर्वाचनमा मतदान गरेका हुन्। उनीहरू दुवै नेपाली जनता दलबाट निर्वाचित जनप्रतिनिधि छन्। पार्टीका राष्ट्रिय अध्यक्ष हरिचरण शाहले राष्ट्रियसभा निर्वाचन बहिष्कार गर्ने निर्णय गरी मतदान नगर्न पत्राचार गरेका थिए।

    पार्टीको निर्णयविपरीत बिहीबार मत खसाउन मतदानस्थल जनकपुरस्थित महेन्द्र निधि स्मृति प्रतिष्ठान पुगेका जनप्रतिनिधि दीपनारायण र नथुनीलाई केन्द्रीय अध्यक्ष शाह रोक्ने प्रयाससमेत गरेका थिए। यद्यपि, उनीहरू मतदान केन्द्रमा प्रवेश गरे र मतदानसमेत गरेका छन्।

    पार्टीका केन्द्रिय अध्यक्ष शाहले पार्टीको निर्णय नमानेकाले पार्टीबाट निस्कासित गर्ने र जनप्रतिनिधिबाट समेत हटाउने बताएका छन्। उनले आफ्नो पार्टीबाट निर्वाचित दुवै जनाले पैसाको लोभमा नेकपा-राजपा गठबन्धनमा मतदान गरेको समेत आरोप लगाएका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]