खेलकुद

अस्ट्रेलियाको न्युजिल्यान्डमाथि सहज जित

फागुन ३०, २०७६

    तीन खेलको एकदिवसीय सिरिजमा घरेलु टोली अष्ट्रेलियाले उत्कृष्त सुरुवात गरेको छ। दर्शकविहीन मैदानमा भएको पहिलो खेलमा न्युजिल्यान्डलाई ७१ रनले पराजित गर्दै अस्ट्रेलियाले सिरिजमा १-० को अग्रता बनायो।

    जितका लागि २ सय ५९ रनको लक्ष्य पछ्याएको न्युजिल्यान्ड ४१ ओभरमा १ सय ८७ रन मानै समेटिएपछि अस्ट्रेलिया रवाफिलो जित निकाल्न सफल भयो। न्युजिल्यान्डका लागि  ओपनर मार्टिन गुप्टिलले सर्वाधिक ४० रन बनाए। उनले ७३ बल खेल्दै १ चौका र १ छक्का प्रहार गरेका थिए। त्यस्तै अर्का ओपनर हेनरी निकोलस १०, कप्तान केन विलियम्सन १९ र रोस टेलर ४ रनमा आउट भएपछि न्युजिल्यान्ड दबाबमा परेको थियो।

    त्यस्तै न्युजिल्यान्डका टम लाथमले ४० बलमा ४ चौका सहित ३८ रन जोडे। कोलिन डी ग्रान्डहोमले २५, मिचेल सान्टनार र ईश सोधीले समान १४–१४ रनबनाएपनि टिमको फराकिलो हार टार्न सकेनन्। अस्ट्रेलियाका तीब्र बलर प्याट कुमिन्सले ८ ओभरमा २ मेडन राख्दै २५ रन खर्चेर ३ विकेट लिए। मिचेल मार्शले ७ ओभरमा २९ रन खर्चेर ३ विकेट लिँदै प्लेयर अफ द म्याच चुनिए। जेश हेजलवुड र एडम जम्पाले २–२ विकेट लिए।

    त्यसअघि टस जितेर पहिलो ब्याटिङ गरेको अस्ट्रेलियाले  ५० ओभरमा ७ विकेट गुमाएर २ सय ५८ रन बनाएको थियो। उसका लागि डेविड वार्नरले सर्वाधिक ६७

    रन बनाए। उनले ८८ बलमा ९ चौका प्रहार गरेका थिए। त्यस्तै ओपनर तथा कप्तान आरोन फिन्चले ७५ बलमा ३ चौका र २ छक्कासहित ६० रन जोडे। पहिलो विकेटका लागि वार्नर र फिन्चले १ सय २४ रनको शतकीय साझेदारी गरेका थिए।

    त्यस्तै युवा ब्याट्सम्यान मार्नस लाबुसेनले ५२ बलमा २ चौकासहित ५६ रनको योगदान दिए। प्याट कमिन्स १४ रनमा अविजित रहँदा स्टिभ स्मिथ १४, डी आर्सी सट ५, मिचेल मार्श २७, विकेटकिपर एलेक्स करी १ रनमा आउट भए। मिचेल स्टार्क ९ रनमा अविजित रहे। दोस्रो खेल आइतबार सिड्नीमा हुने छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]