खेलकुद

देशभर कोरोना फैलिएपछि स्पेनिस लालिगा अनिश्‍चितकाललाई स्थगित

चैत १०, २०७६

    एजेन्सी : स्पेनिस लालिगा फुटबल अनिश्चितकालका लागि स्थगित गरिएको छ। विश्वभर फैलिएको कोरोना भाइरसका कारण स्पेन अहिले प्रतिकूल अवस्थाबाट गुज्रिरहेको छ। स्पेनमा अन्य देशको तुलनामा कोभिड–१९ बाट मृत्यु हुनेको प्रतिशत सर्वाधिक उच्च छ।

    यसअघि १२ मार्चमा स्पेनिस ला लिगा दुई साताको लागि स्थगित गरिएको थियो। तर अहिले कोरोनाको संक्रमण ह्वातै बढेपछि स्पेनको सबैखाले फुटबल गतिविधि अनिश्चितकालका लागि बन्द गरिएको हो। स्पेनिस फुटबल संघ र ला लिगाले निर्माण गरेको मोनिटरिङ कमिसनले सोमबार यस्तो निर्णय गरेको हो।

    ला लिगामा पछिल्लो पटक ६ देखि ८ मार्चसम्म २७ औं चरणका खेलहरु भएका थिए। त्यसपछि दुई साताका लागि खेलहरु स्थगित गरियो। अब अर्को निर्णय नभएसम्मको लागि स्पेनमा कुनै पनि खेलकुद गतिविधि हुने छैनन्। 

    स्पेनमा कोरोनाको ३३ हजारभन्दा बढी संक्रमण भेटिएको छ भने २१ सय ८२ जनाको मृत्यु भइसकेको छ। इटाली र चीनपछि कोरोनाका कारण सर्वाधिक धेरै मृत्यु हुनेमा स्पेनीस नागरिकहरु रहेका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]