कोभिड-१९ {अपडेट}

क्वारेन्टाइनमा राखिएका एक पुरुषको पोखरामा मृत्यु

भारतको हैदरावादबाट १२ दिनअघि फर्किएका थिए

कास्कीको रुपा गाउँपालिकामा बनाइएको क्वाेन्टाइन
चैत १२, २०७६

    कास्की : पोखरामा क्वारेन्टाइनमा राखिएका एक व्यक्तिको मृत्यु भएको छ। भारतको हैदरबादबाट फर्किएपछि मंगलबार क्वारेन्टाइनमा राखिएका ५० वर्षीय पुरुषको मृत्यु भएको जानकारी रुपा गाउँपालिकाका प्रमुख प्रशासकीय अधिकृत विष्णुप्रसाद पोखरेलले दिएका छन्। 

    भारतको हैदरावादबाट फर्किएपछि रुपा गाउँपालिका निवासी ५० वर्षीय ती पुरुषलाई कोरोनाको आशंकामा क्वारेन्टाइनमा राखेर निगरानी थालिएको थियो।

    क्वारेन्टाइनमा राखिएकै अवस्थामा गम्भीर बिरामी भएपछि उपचारकालागि पश्मिाञ्चल क्षेत्रीय अस्पतालमा ल्याउँदै गर्दा उनको बाटैममा मृत्यु भएको हो। 

    ती व्यक्ति १२ दिनअघि हैदरावादबाट रुपा गाउँपालिकास्थित घर फर्किएका थिए। तर उनलाई कोरोना आशंकमा मंगलबारदेखि गाउँकै क्वारेन्टाइनमा राखिएको थियो। 

    चिकित्सकहरुका अनुसार उनी मुटु रोगी थिए। उनको कलेजोमा पनि पानी जमेको बताइएको छ। पोखरा ल्याउने क्रममा ती पुरुषको मृत्यु भएको पुष्टि पश्चिमाञ्चल क्षेत्रीय अस्पतालका निर्देशक अर्जुन आचार्यले पनि गरेका छन्। 

    ती पुरुषको मृत्युको कारण खुलिसकेको छैन। उनको स्वास्थ्य परीक्षण प्रतिवेदन आइनसकेकाले मृत्युको कारण कोरोना संक्रमण या अरु कुनै कारण खुल्न नसकेको हो। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]