कोभिड-१९ {अपडेट}

बैतडीमा क्‍वारेन्टाइनमै कुटिए  वडाअध्यक्ष

चैत १६, २०७६

    बैतडी : मदिरा पिएका एक व्यक्तिले बैतडीको पुर्चौडी नगरपालिकाका वडाअध्यक्षमाथि आइतवार कुटपिट गरेका छन्। पुर्चौडी नगरपालिका वडा नम्बर ७ का वडाअध्यक्ष रामबहादुर ऐरमाथि कुटपिट भएको हो ।

    वडाअध्यक्ष ऐरलाई सोही वडाका ३७ वर्षीय धर्मानन्द बडुले कुटपिट गरेका बैतडीका प्रहरी प्रमुख प्रहरी नायव उपरीक्षक डिल्लीनारायण पाण्डेयले जानकारी दिए।

    उक्त वडास्थित गलिनाथ मावि वडगाउँमा स्थापना गरिएको क्‍वारेन्टाइनमा मदिरा पिएर हल्ला गरिरहेका बडुलाई सम्झाउन खोज्दा वडाअध्यक्ष ऐर कुटिएका हुन्। 'कुटपिट गर्ने बडुलाई नियन्त्रणमा लिइएको छ', पाण्डेयले भने, ‘मदिरा पिएर मातेका बडुले वडाअध्यक्षमाथि कुटपिट गरेको भन्‍ने खुल्न आएको छ।’

    वडाअध्यक्षलाई कुटपिट गर्ने बडुलाई कानुन बमोजिम कार्बाही हुने जिल्ला प्रहरी कार्यालय बैतडीले जनाएको छ । वडाअध्यक्षको अवस्था सामान्य रहेको छ।

    यसअघि चैत १२ गते राति पुर्चौडी नगरपालिका-५ स्थित कुवाकोट स्वास्थ्य चौकीका अहेब करनसिंह धामी पनि क्‍वारेन्टाइनमै कुटिएका थिए। अहेब धामीलाई स्थानीय नरेन्द्र जागरीले राति साढे १० बजेतिर कुटपिट गरेका थिए। जागरी जिल्ला प्रहरी कार्यालयको हिरासतमा छन्।

विनोद सिंह विष्ट

विष्ट थाहा खबरका बैतडी समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]