समाज

पहिरोमा बेपत्ता भएकाको खोजीकार्य जारी

असार २३, २०७७

    गुल्मी : १८ गते राती चलेको पहिरोमा बेपत्ता भएका मुसिकोट-२ का ५५ वर्षीय भागीरथ घिमिरे अझैसम्म फेला नपरेको जिल्ला प्रहरी कार्यलय गुल्मीले जनाएको छ।

    नगरपालिकाको हाँडीखोलामा आएको पहिरोमा उनी  बेपत्ता भएको र खोजी कार्य जारी रहेको  जिल्ला प्रहरी कार्यालय गुल्मीका प्रहरी नायब उपरीक्षक केदारराज पन्थले जानकारी दिए।

    खोजी कार्यका लागि नेपाली सेना, सशस्त्र प्रहरी र नेपाल प्रहरी परिचालन गरिएको गुल्मी जिल्लाका प्रमुख जिल्ला अधिकारी भरतकुमार शर्माले जानकारी दिए।

    इश्मा र मुसिकोटको पहिरोमा परि करिब २०० घरपरिवार विस्थापित भएकाले उनीहरुलाई स्थानीय विद्यालयमा व्यवस्थापन गरिएको र अन्य विकल्पबारे छलफल भइरहेको शर्माले जानकारी दिए। 

    सोही दिन इश्मा गाउँपालिकाको वडा नं १ हस्तिचौरको  मल्दीमा गएको पहिरोमा परी १८ महिने बालक सुरज सारु र ७ वर्षीया अपेक्षा खत्रीको मृत्यु भएको थियो। पहिरोमा परी घाइते भएका ५ जनाको  त्रिवि शिक्षण अस्पताल महाराजगन्जमा उपचार भइरहेको छ।

    उनीहरुलाई नेपाली सेनाको हेलिकोप्टरमा राखेर काठमाण्डौ लगिएको थियो। गत वर्ष साउन ७ गते सत्यवती गाउँपालिकाको ठुलोलुम्पेक र लिम्घामा गएको पहिरोका कारण १३ जनाले ज्यान गुमाएका थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]