काठमाडौं : थाहाखबरका इलाम सम्वाददाता नमीन ढकाल प्रदेशस्तरीय ओलम्पिक लेखन प्रतियोगिताको विजेता बनेका छन्।
स्पार्टस फर अल कमिसनको समन्वयमा नेपाल पत्रकार महासंघ झापाको आयोजनामा भएको लेखन प्रतियोगितामा ढकालले लेखेको 'प्रमिलाको यात्रा: इलामको लुम्बकदेखि लन्डन ओलम्पिक' उत्कृष्ट ठहरिँदै नगद ११ हजार र सम्मान पत्र प्राप्त गरेको हो।
ताप्लेजुङका खगेन्द्र अधिकारी द्वितीय बन्दै नगद ७ हजार, झापाका हिमाल खरेल तृतीय बन्दै ५ हजार र पाँचथरका भीमकुमार बाँस्कोटा सान्त्वना घोषित हुँदै २ हजार प्राप्त गरे।
एक समारोहबीच पत्रकार महासंघको कार्यालयमा विजेताहरूलाई पुरस्कृत गरिएको छ। कमिसनका प्रदेश संयोजक एवम बिर्तामोड नगरपालिका-३ का वडाध्यक्ष भोजराज सिटौला, महासंघका अध्यक्ष एकराज गिरी, प्रदेश संचार प्रतिष्ठानका सदस्य गोपाल काफ्ले लगायतले पुरस्कार हस्तान्तरण गरे। समारोहमा कोभिड संक्रमित झापाका पत्रकारलाई लेखनवृति प्रदान गरेका छन्।
तपाईंको ईमेल गोप्य राखिनेछ ।