काठमाडौं : इंग्लिस प्रिमियर लिगमा शीर्ष स्थानमा रहेको आर्सनलले शीर्ष स्थानमा आफ्नो अग्रता फराकिलो पार्दै लगेको छ।
सोमबार भएको खेलमा वेस्टह्यामलाई पराजित गर्दै आर्सनलले शीर्ष स्थानमा दोस्रो स्थानको न्युक्यासल भन्दा ७ अङ्कको अग्रता बनाएको हो। सोमबार राति भएको खेलमा आर्सनलले वेस्टह्यामलाई ३–१ ले पराजित गर्दै विश्वकप पछि पनि आफ्नो रवाफ कायम राखेको छ।
वेस्टह्यामविरुद्ध उत्कृष्ट लयमा देखिएको आर्सनल खेलमा अग्रता भने वेस्टह्यामले लिएको थियो। वेस्टह्यामका लागि बेनरमाले पेनाल्टीमार्फत सुरुवाती अग्रता दिलाएका थिए।
पहिलो हाफमा १-० को अग्रता बनाएपनि दोस्रो हाफमा आर्सनल खेलमा फर्किएको थियो। उसका लागि बुकायो साकाले ५३ औ मिनेटमा पहिलो गोल गर्दै खेललाई बराबरीमा ल्याएका थिए।
त्यसपछि मार्टिनेलीले ५८ औ मनेटमा अग्रता दोब्बर बनाउँदा नेकितियाले ६९ औ मिनेटमा अग्रता ३-१ मा पुर्याउँदै सहज जित दिलाएका थिए। जितपछि आर्सनलको १५ खेलबाट ४० अङ्क भएको छ।
तपाईंको ईमेल गोप्य राखिनेछ ।