अमेरिकामा प्रहरीले जर्ज फ्लोयडजस्ता अर्का अश्वेत व्यक्तिको हत्या गरेको छ। लस एन्जलस पुलिस एक दुर्घटनापछि केनन एन्डरसनलाई पक्राउ गर्न आइपुगेको थियो। पक्राउको विरोध गर्दा प्रहरीले उनीमाथि टेजर बन्दुक प्रहार गरेको थियो। त्यसको केही समयपछि उनलाई हृदयाघात भयो र उनको मृत्यु भयो।
पुलिसले केननसँग ठ्याक्कै त्यस्तै गर्यो जुन उनीहरूले मे २५, २०२० मा जर्ज फ्लोयडसँग गरे। प्रहरीले पहिले केननलाई घेरेर भुइँमा खसाल्यो र त्यसपछि कुहिनोले ३० सेकेन्डसम्म घाँटी थिचे। यसपछि ट्याजर बन्दुकबाट करेन्ट बज्यो। उनी बेहोस भए। उनलाई अस्पताल लगियो। यहाँ ४.५ घण्टापछि उनलाई हृदयाघात भयो।
यो घटना ३ जनवरीको हो। अहिले यो घटनाको भिडियो सार्वजनिक भएको छ। केननकी दिदी प्याट्रिसले भनिन्, पुलिसले मेरो भाइलाई मारेको छ। उनले सहयोग मागेका थिए तर सहयोग पाएनन्।'
घटनास्थलमा उपस्थित प्रहरीको बडी क्यामेराको फुटेज सार्वजनिक भएको छ। यसमा कैयौँ पुलिसकर्मी केननलाई जबरजस्ती सडकमा फ्याँक्न खोजिरहेका देखिन्छन्। जब केननले प्रतिरोध गरे, एक पुलिसकर्मीले ३० सेकेन्डसम्म उनको घाँटी थिचे, त्यसपछि अर्को ३० सेकेन्डमा अर्को पुलिसले उनलाई ट्याजर बन्दुकले विद्युत् प्रहार गरे।
केही समयपछि पुन: करेन्ट ५ सेकेन्ड लगाए। यस क्रममा केनन निरन्तर सहयोगको लागि चिच्याइरहेका थिए। प्रहरीका अनुसार घटनालगत्तै उनलाई अस्पताल पुर्याइएको थियो जहाँ उनको साढे चार घण्टापछि हृदयाघातका कारण मृत्यु भएको अन्तर्राष्ट्रिय सञ्चारमाध्यमले जनाएका छन्।
तपाईंको ईमेल गोप्य राखिनेछ ।