दोलखा : दोलखाको विगु गाउँपालिका-७ विगुमा निगुरो टिप्न गएका बाबुछोरा पहिरोमा परी बेपत्ता भएका छन्।
आज दिउँसो जंगलमा निगुरो टिप्न गएका विगु गाउँपालिका-७ विगुका करिब ३६ वर्षीय नीमदोर्जे शेर्पा र उनका १२ वर्षीय छोरा पासाङ शेर्पा बेपत्ता भएको वडाध्यक्ष दलबहादुर श्रेष्ठले जानकारी दिए।
उनका अनुसार जंगलमा निगुरो टिप्ने क्रममा पहिरो र खोला एक्कासी आएपछि निगुरो टिप्न गएकामध्ये स्थानीय एकजना भागेर ज्यान बचाउन सफल भएको वडाध्यक्ष श्रेष्ठले बताए। निगुरो टिप्ने क्रममा दिउँसो १२ बजेतिर पहिरो र खोला बढेपछि बाबुछोरा बेपत्ता भएका हुन्।
अहिले घटनास्थलमा सुरक्षाकर्मीको टोली पुगिसकेको छ। पानी परिरहेका कारणले पहिरो पन्छाउन समस्या भइरहेको दोलखा प्रहरी निरिक्षक राजेश सिग्देलले जानकारी दिए।
तपाईंको ईमेल गोप्य राखिनेछ ।