दोलखा : दोलखामा बोलेरो दुर्घटना हुँदा एक जनाको मृत्यु भएको छ भने १२ जना घाइते भएका छन्।
आज (शुक्रवार) दिउँसो ३:४० मा भीमेश्वर नगरपालिका-७ देउराली नजिकै बोलेरो दुर्घटना हुँदा मेलुङ गाउँपालिका-७ का सुजन मगरको मृत्यु भएको हो।
जिल्ला प्रहरी कार्यालय दोलखाका प्रहरी निरीक्षक धर्मेशकुमार यादवका अनुसार बोलेरोमा सवार १२ जना घाइते भएका छन्।
कालिञ्चोकबाट चरिकोट आउँदै गरेको बा २१ च ८२६८ नम्बर बोलेरो अनियन्त्रित भई बागमती प्रदेश ०२०४६ नम्बरको मोटरसाइकललाई ठक्कर दिँदा सडकबाट ३० मिटर तल खसेको प्रहरीले जनाएको छ।
घाइतेमध्ये ५ जनालाई थप उपचारका लागि काठमाडौं रिफर गरिएको छ भने अन्यको चरिकोटमा उपचार भैरहेको छ।
तपाईंको ईमेल गोप्य राखिनेछ ।