काठमाडौँ : स्वास्थ्य अवस्था ठिक नभएका कारण सुन प्रकरणमा समातिएका माओवादी केन्द्रका नेता कृष्णबहादुर महरालाई अस्पतालमा राखेर अनुसन्धान गर्न काठमाडौँ जिल्ला अदालतले आदेश गरेको छ।
आज (सोमवार) सुन प्रकरणमा अनुसन्धान गर्न ४ दिनको म्याद दिएको अदालतले महराको मागअनुसार नै अस्पतालमा राखेर अनुसन्धान गर्न सिआइबीलाई भनेको हो।
आफूले विभिन्न ८ प्रकारका औषधि खाँदै आएको र स्वास्थ्य अवस्था ठीक नभएकाले अस्पतालमा बस्नुपर्ने आवश्यकता रहेको उनले अदालतमा बताएपछि अदालतले उक्त आदेश दिएको हो। उनलाई नर्भिकमा राखेर उपचार गरिने सिआइबीले जनाएको छ।
तपाईंको ईमेल गोप्य राखिनेछ ।