सिन्धुपाल्चोक : भूकम्पले भग्नावशेषमा परिणत भएको ३९ शय्याको अस्पतालको पुनर्निर्माण पूरा भएको छ। ६ करोड १० लाख चिनियाँ युआनमा अस्पतालको पुनर्निर्माण पूरा भएको ‘चाइना एड सिन्धुपाल्चोक हस्पिटल रिकभर प्रजेक्ट इन नेपाल’का प्रमुख गुओ बाओचेङले बताए।
चाइना चियुयान इन्जनियर कर्पोरेसन र सियान सिफाङ कन्स्ट्रक्सन सुपरभिजन कम्पनी लिमिटेडको मुख्य व्यवस्थापनमा चिनियाँ कम्पनी हेवेई कन्स्ट्रक्सन ग्रुपले भवन तयार पारेको हो।
अस्पताल भवनको भुइँतलामा फार्मेसी, दर्ता शाखा, परामर्श कक्ष, फिजियोथेरापी, पोषण, भान्सा, बहिरङ्ग बिरामी कक्ष, बालबालिका कक्ष, प्रयोगशाला, आकस्मिक कक्ष, नर्सिङ स्टेशन, ड्रेसिङ रुम, एक्सरे र भिडियो एक्सरे कक्ष तयार भएको छ।
त्यसैगरी, भ्याक्सिनेसन सेन्टर, पुलिस अफिस फायर कन्ट्रोल सेन्टर, क्षयरोग र एड्स उपचार कक्ष तयार भएको छ। भुइँतलामै ४५० केभीको जे
नेरेटर र ‘मेडकिल वेस्ट वाटर प्रोसेसिङ’ उपकरण जडान गरिएका छन्।
सुविधासम्पन्न अस्पताल निर्माण भएपछि यो क्षेत्रका बासिन्दाले उपचारका निम्ति अन्यत्र जानुपर्ने बाध्यता हटेको हो।
तपाईंको ईमेल गोप्य राखिनेछ ।