काठमाडौँ : काठमाडौँको ठमेलमा बङ्गलादेशी दुई कलाकारको ४४ वटा कलाकृति प्रदर्शन गरिएको छ।
गिरिजाप्रसाद कोइराला फाउण्डेशन, कला तथा संस्कृति विभागको आयोजनामा बङ्गलादेशी दुई कलाकार जबेर अहमद चौधरी र सञ्जयकुमार दासको कला प्रदर्शनी गरिएको हो।
चौधरीद्वारा बनाइएका बङ्गलादेशका वरिष्ठ मूर्तिकार नोबेरा अहमेदका सन् १९६० मा प्रदर्शनी भएका मूर्तिहरुको फोटोग्राफी उक्त प्रदर्शनीमा राखिएको फाउण्डेशन कला तथा संस्कृत विभाग प्रमुख श्यामसुन्दर यादवले जानकारी दिए।
प्रदर्शनीमा कलाकार दासको समसामयिक कला राखिएका छन्। बङ्गलादेशको जनजीवन, कला, संस्कृति, रहनसहनलाई कलात्मक रुपमा प्रस्तुत गरिएको छ।
यही चैत २५ गते शुरु भएको प्रदर्शनी भोलिसम्म सञ्चालन हुने आयोजकले जनाएको छ। विभागले यसअघि विभिन्न देशका कलाकारको कला प्रदर्शन गरेको थियो।
तपाईंको ईमेल गोप्य राखिनेछ ।