काठमाडौं : नेकपा एकीकृत समाजवादीमा एक लाख २० हजार नयाँ सदस्य थपिएको दाबी गरेको छ।
संगठन सुदृढीकरणका सिलसिलामा पार्टीले दुई महिनासम्म देशभर सञ्चालन गरेको महाधिवेशन केन्द्रित अभियानका क्रममा ती सदस्य थपिएका पार्टीका सचिव जीवनराम श्रेष्ठले जानकारी दिए।
गत फागुन र चैतमा सञ्चालित अभियानमा पार्टीका सबै तहका कमिटी परिचालन गरिएका थिए। साथै महाधिवेशनमा सहभागी हुने सबैको सदस्यता नवीकरण भएको छ । पार्टीले आगामी जेठ ३ देखि ७ गतेसम्म काठमाडौंमा गर्ने १० औँ राष्ट्रिय महाधिवेशनको तयारी गरिरहेको छ।
महाधिवेशन सफल बनाउन गठित विभिन्न कमिटी क्रियाशील छन्। पार्टीको राजनीतिक दस्तावेज, विधान, समाजवादी कार्यक्रमसम्बन्धी दस्तावेज र सांगठनिक दस्तावेज सम्बन्धित कमिटीमा अध्ययनका लागि पठाएको सचिव श्रेष्ठले बताए।
तपाईंको ईमेल गोप्य राखिनेछ ।